坊間其實已經有好多藥物資訊 💊如果大家未睇過，或者花多眼亂睇咗唔記得👀想温故 + 知新，都可以留意接下來介紹一系列抗疫期間用作舒緩新冠肺炎症狀嘅「平安藥」 / 「看門口藥」。
再講多次，一般藥房 / 藥店🤜🏻買到嘅藥只可以舒緩新冠肺炎症狀 (如發燒、頭痛、咳嗽、流鼻水 )，不能對抗新冠肺炎病毒 。大多數中咗新冠肺炎嘅患者症狀輕微，甚至無症狀，會自行痊癒，靠嘅係自身免疫系統打病毒，❌唔係啲成藥。所以中咗新冠但無症狀可以唔洗食藥，就算有症狀都可以試吓簡單家居護理 (home remedy) 先，都唔得或者好唔舒服再考慮用藥。‼️[ 當然，老人家、長期病患、本身免疫力差、冇打過新冠肺炎疫苗……又另作別論，可能需要盡早用上真係抗新冠肺炎病毒嘅藥物，去減低出現嚴重併發症嘅風險 ]
⚠️再提提你，我地要打嘅係新冠肺炎病毒，係病毒，唔係細菌，所以唔好自己喺藥房買抗生素或者俾壓力醫生開抗生素啦 ~~
PS: 其實以上同之後講藥嘅資訊都幾適用於一般傷風感冒 (雖然唔建議純粹將新冠肺炎當感冒 / 流感看待，因為會有長新冠，仲有好多未知) …… 之後同大家見面再講👋🏻
最後更新日期：2022 年 3 月